უკრაინის ტერეიტორიეზე მცხოვრებმა უნგრელებმა ავტონომია და ორმაგი მოქალაქობა უნდა მიიღონ, განაცხადა უნგრეთის პრემიერ-მინისტრმა ვიქტორ ორბანმა პარლამენტში.

"ჩვენ უნგრულ საკითხს განვიხილავთ როგორც ევროპულს. უნგრელებს, რომლებიც კარპატიის რეგიონში ცხოვრობენ, აქვთ ორმაგი მოქალაქეობის, ეროვნული საზოგადოებრიობისა და ავტონომიის უფლება", - განაცხადა მან.

ორბანის აზრით, უკრაინიაში მცხოვრები უნგრელების საკითხი ბუდაპეშტისთვის განსაკუთრებით მწვავეა. "უკრაინაში მცხოვრები 200 ათასი ეროვნებით უნგრელი, ამ საკითხს განსაკუთრებულ სიმწვავეს სძენს. უნგრულმა სათვისტომომ იქ უნდა მიიღოს ორმაგი მოქალაქეობა, ეროვნული საზოგადოებრიობის ყველა უფლება, ასევე უნდა მიიღონ თვითმმართველობის შესაძლებლობა", - აღნიშნა ორბანმა.

"ეს ჩვენი მკვეთრი მოლოდინია ახალი უკრაინისაგან, რომელიც ახლა იქმნება", - დასძინა უნგრელმა პრემიერმა.

ამასთან, ორბანმა მხარი დაუჭირა უკრაინულ ხელისუფლებას დემოკრატიული სახელმწიფოს განვითარებაში.

აღსანიშნავია, რომ უკრაინაში, სხვდასხვა მონაცემით, 160-დან 200 ათასამდე უნგრელი ცხოვრობს. სხვა ქვეყნებში გაცილებით დიდი უნგრული უმცირესობებია - სერბეთში 250-დან 290 ათასამდე უნგრელია, სლოვაკეთში დაახლოებით 500 ათასი, ხოლო რუმინეთში - მილიონზე მეტი.

მანამდე, უნგრეთის საგარეო საქმეთა სამინისტროში განაცხადეს, რომ ბუდაპეშტი არ აპირებს უკრაინის ტერიტორიული მთლიანობის დარღვევას და არ შეეცდება იმიერკარპატიის შეერთებას.

თუმცა, 9 აპრილს, ევროსაბჭოს საპარლამენტო ასამბლეის სესიაზე, უნგრელმა დელეგატმა, რუსული დელეგაციის წევრების მსგავსად, განაცხადა, რომ უკრაინაში "ფარული ძალები" მოქმედებენ ხელისუფლების მოსაპოვებლად.

მან ასევე აღნიშნა, რომ უკრაინა - "ხელოვნური სახელმწიფოა", რომლის შემადგენლობაშიც შედის იმიერკარპატიის ოლქი, რომელიც წლების მანძილზე უნგრეთს ეკუთვნოდა.