საჩხერის და ცხინვალის რაიონებიდან გატაცებული ოთხი მამაკაცი შვიდდღიანი პატიმრობის შემდეგ ოკუპირებულმა რეჟიმმა ადმინისტრაციული სასჯელის სანაცვლოდ გაათავისუფლა.

ოთხივე მათგანს ე.წ. საზღვრის უკანონო გადაკვეთაში ედებათ ბრალი.

ანალოგიური ბრალდებით ცხინვალის იზოლატორში კიდევ 18 ქართველი იმყოფება. მათ შორისაა საჩხერის რაიონის შვიდი მკვიდრი, რომელიც გუშინ საღამოს ოკუპანტებმა ძირულას ხეობაში ჯონჯოლის კრეფის დროს გაიტაცეს.