დონბასში სიტუაცია დაიძაბა. ტერორისტები საარჩევნო კომისიის წევრებს თავს ესხმიან და ტყვედ აჰყავთ. უკრაინული მედიის ცნობით, სამართალდამცავი ორგანოები ძალადობის ფაქტის აღმოსაფხვრელად არაფერს არ აკეთებენ.

როგორც ცნობილია, გუშინ ტერორისტებმა საარჩევნო კომისიის სამი წევრი აიყვანეს ტყვედ. მსგავსი შემთხვევა ღამით ლუგანსკის რაიონშიც მოხდა. წყაროს ცნობით, რამდენიმე საათის შემდეგ ტერორისტებმა ტყვეები გაათავისუფლეს.

ასევე ცნობილია, რომ დონეცკში ტერორისტები საარჩევნო კომისიის შენობაში შეიჭრნენ, ორი ადამიანი ტყვედ აიყვანეს და გაანადგურეს კომპიუტერული ტექნიკა. ადგილობრივი ძალოვანი სტრუქტურები კი მსგავს ფაქტებზე არ რეაგირებენ.