მარიოპოლი უკრაინის სამხედროების მიერ სრულებით არის კონტროლქვეშ აყვანილი. ამის შესახებ ინფორმაციას უკრაინის შინაგან საქმეთა მინისტრი, არსენ ავაკოვი ავრცელებს.

„სამხედრო ოპერაციის დროს განსაკუთრებული თავდადება სამხედრო დანაყოფმა „აზოვმა“ გამოიჩინა. მარიოპოლი სრულებით გათავისუფლებულია, ქალაქის ქუჩებში გადაადგილება პრობლემას აღარ წარმოადგენს. ყველა ადმინისტრაციული შენობა კი საზოგადოებისთვის ხელმისაწვდომია“, - განაცხადა ავაკოვმა.

უკრაინული მედიის ცნობით, სპეცოპერაციის დროს ერთი ტერორისტი დაიღუპა, ორი კი ტყვედ აიყვანეს.

მძევლად აყვანილი პირი, საკუთარ თავს ე.წ. დონეცკის სახალხო რესპუბლიკის თავდაცვის მინისტრს უწოდებს და იგი უკრაინელი სამხედროების მოწამვლაშია ეჭვმიტანილი.