უკრაინამ მაისში ამერიკის შეერთებული შტატებისგან შესაძლოა ფინანსური დახმარება 5.9 მილიარდი ამერიკული დოლარის ოდენობით მიიღოს. ამის შესახებ ინფორმაცია აშშ-ს ფინანსთა მინსიტრის დამხმარემ დენიელ გლეიზერმა გაავრცელა.

„მაისში უკრაინა ფინანსურ დახმარებას მიიღებს, რაც 5.9 მილიარდ ამერიკულ დოლარს შეადგენს“, - განაცხადა გლეიზერმა.

მისივე თქმით, აღნიშნული თანხიდან 3.2 მილიარდ დოლარს საერთაშორისო სავალუტო ფონდი გამოყოფს, დანარჩენ 2.7 მილიარდს კი ევროკავშირი, აშშ, მსოფლიო ბანკი, იაპონია და კანადა.

გლეიზერის განცხადებით, დასავლეთი მომავალი ორი წლის განმავლობაში უკრაინისთვის 27 მილიარდი ამერიკული დოლარის გამოყოფას გეგმავს.