გორის მუნიციპალიტეტის სოფელ აძვში, დღეს ადგილობრივებმა ოკუპირებულ ტერიტორიაზე მოქცეული წმინდა გიორგის სახელობის ტაძარის მოლოცვა შეძლეს.

ტაძარში პარაკლისი გორის და ადენის მიტროპოლიტმა მეუფე ანდრიამ აღავლინა, რომელმაც მრევლს სულიერი სიმშვიდის შენარჩუნებისკენ მოუწოდა. როგორც აძველები "ნიუპოსტთან" საუბრისას აცხადებენ, მათ აღნიშნულ ტაძარში მისვლის საშუალება მას შემდეგ არ ეძლევათ, რაც საოკუპაციო რეჟიმმა ე.წ. საზღვრის აღმნიშვნელი აბრები აღმართა. მრევლმა ოკუპირებულ ტერიტორიაზე მოქცეულ წმნინდა გიორგის სახელობის ტაძარში შეკრება დილიდან დაიწყო. ადგილობრივების თქმით, რუსი ე.წ. მესაზღვრეები მათთან სიახლოვეს დღეს არ გამოჩენილან. ისინი ადგილობრივების გადაადგილებას შორიდან აკვირდებოდნენ.

გიორგი ახალკაცი "ნიუპოსტი" გორი