დონეცკის აეროპორტმა დღეს განსახორციელებელი რეისები, რომლებიც ადგილობრივი დროით 12:00 საათამდე უნდა შესრულებულიყო, გააუქმა.

ამის შესახებ ინფორმაციას უკრაინული მედია, აეროპორტის პრესსსამსახურის მიერ გავრცელებულ ინფორმაციაზე დაყრდნობით ავრცელებს.

აღსანიშნავია, რომ აეროპორტში არ შესრულდება არც ფრენები და არც შემოსული თვითმფრინავების დაშვებები.

„განვითარებული მოვლენების გამო, დონეცკის აეროპორტში თვითმფრინავების მიღება და რეისების შესრულება დროებით გაუქმებულია, ინფორმაცია, რომელიც საზოგადოებისთვის განსაკუთრებულ მნიშვნელობას ატარებს, აეროპორტის ოფიციალურ ვებგვერდზეა განთავსებული“, - ნათქვამია გავრცელებულ განცხადებაში.