ბიზნესმენ დავით კოდუას ცემაში ბრალდებული ნოშრევან ნამორაძის მეუღლე ნინო სუთიძე აცხადებს, რომ მისი მეუღლის სასამართლო პროცესზე მოსამართლე გიორგი არევაძემ არასამართლიანი გადაწყვეტილება მიიღო.

„მოსამართლის გადაწყვეტილება არ იყო სამართლიანი, ველოდებოდით, რომ აუცილებლად გირაოთი გამოუშვებდნენ, მაგრამ ასე მოხდა, ეტყობა ისევ „ნაციონალების“ ზეწოლის ქვეშ არის სასამართლო ან... რაშია საქმე, გაირკვევა ყველაფერი", - აღნიშნა ნინო სუთიძემ.

გუშიან, გვიან ღამით, თბილისის საქალაქო სასამართლომ ნოშრევან ნამორაძის დაცვის შუამდგომლობა არ დააკამყოფილა, გირაოს სანაცვლოდ გათავისუფლების თაობაზე და მას დავით კოდუას ცემისთვის ორთვიანი წინასწარი პატიმრობა შეუფარდა.