ნამორაძის მეუღლის განცხადებით, მის მეუღლეს ნიღაბი არ ეკეთა

სამართალი - 12:20, 04 May, 2014

3406

ნოშრევან ნამორაძის მეუღლემ ნინო სუთიძემ ბრიფინგი გამართა. მან დაადასტურა ის ფაქტი, რომ მისი მეუღლე შემთხვევით შეხვდა კოდუას და 2008 წელს ძმები კოდუების მიერ მისთვის ნარკოტიკის ჩადებისა და შემდეგ განთავისუფლების სანაცვლოდ ბიზნესის წილის წართმევისათვის შური იძია.

მან აღნიშნა, რომ აღნიშნა, დავით კოდუას ცემის ფაქტზე გუშინ, გვიან ღამით, თავადაც დაკითხეს. "გუშინ, გვიან ღამით, დავიკითხე ამ ფაქტთან დაკავშირებით. მკითხეს, როდის გაიგეთ და ასეთი შეკითხვები იყო... ისეთი მნიშვნელოვანი არაფერი, რაც, ვთქვათ, საქმის ახალ დეტალებს გეტყვით", – აღნიშნა მან.

ნინო სუთიძემ აღნიშნა, რომ მისი ინფორმაციით, ნოშრევან ნამორაძემ დავით კოდუას მარტომ სცემა და ელექტროშოკის გამოყენებას ადგილი არ ჰქონია. მან ასევ აღნიშნა, რომ გავრცელებული ინფორმაციის მიუხედავად, მის მეუღლეს სახეზე ნირაბი არ ჰქონია.

"კოდუას ოჯახთან არანაირი საუბარი არ მქონია. ნანუკა ჟორჟოლიანს კი გამოვეხმაურე და გავეცი პასუხი, რომ სრულ სიცრუეს ავრცელებს. ადამიანმა, რომელიც ასეთ დანაშაულს სჩადის, რომელიც მისმა ქმარმა ჩაიდინა, მინიმუმ თავდახრილმა უნდა იაროს და არა პირიქით. გიორგი კუდუას განცხადებას კი პასუხს ვერ გავცემ, რადგან ის არ მიმაჩნია საერთოდ დალაგებულ ადამიანად", – აღნიშნა ნინო სუთიძემ. მისი ინფორმაციით, 2008 წლის საქმეზე სასამართლოს დაახლოებით 6 თვის წინ მიმართეს და ამჟამად გამოძიება მიმდინარეოს.

დავით კოდუას ცემის ფაქტზე ნოშრევან ნამორაძის სასამართლო პროცესი ორშაბათს ან სამშაბათს გაიმართება.