ლავროვის უწყება უკრაინის მოვლენებთან დაკავშირებით განცხადებას ავრცელებს

მსოფლიო - 16:52, 02 May, 2014

2154

რუსეთის საგარეო საქმეთა სამინისტრო უკრაინის აღმოსავლეთით მიმდინარე ანტიტერორისტულ ოპერაციასთან დაკავშირებით შეშფოთებას გამოთქვამს და განცხადებას ავრცელებს.
ლავროვის უწყების მიერ გავრცელებულ განცხადებაში ნათქვამია, რომ უკრაინის სამხედრო ძალები მძიმე არტილერიას და სამხედრო ვერტმფრენებს იყენებენ, რომლებსაც იერიში მათ მოწინააღმდეგეებზე მიაქვთ.
„შემოსულია ინფორმაცია დაღუპულებისა და დაშავებულების შესახებ. როგორც ჩვენ არაერთხელ განვაცხადეთ, სამხედრო ძალის გამოყენება საკუთარი ერის წინააღმდეგ დანაშაულია და უკრაინას კატასტროფამდე მიიყვანს.

თუ ვინმეს რაიმე ეჭვი ჰქონდა, ახლა თვალნათელი გახდა, რომ უკრაინის ე.წ. ხელისუფლების მრავალმხრივი განცხადებები დიალოგის წამოწყებასთან დაკავშირებით, კრიზისიდან გამოსვლის მიზნით, არის ლიცემერია.
კიევის რეჟიმმა დაარღვია 17 აპრილის ჟენევის მოლაპარაკების შეთანხმება, რომელიც ითვალისწინებს ყოველგვარი ქმედების აღმოფხვრას, რაც ძალადობას წარმოშობს. მოვითხოვთ დასავლეთისგან, უარი თქვას დამანგრეველ პოლიტიკაზე უკრაინასთან მიმართებაში. უკრაინის ე.წ. ხელისუფლებას კი მოვუწოდებთ ანტიტერორისტულ ოპერაციის წარმოება შეწყვიტოს“, - ნათქვამია რუსეთის ფედერაციის საგარეო საქმეთა სამინისტროს მიერ გავრცელებულ განცხადებაში.