სასამართლომ ლევან კორტავას გარდაცვალების ფაქტზე ერთი პირი დამნაშავედ ცნო

სამართალი - 13:12, 02 May, 2014

1859

გეგუთის ციხეში გარდაცვლილ პატიმარ ლევან კორტავას საქმესთან დაკავშირებით ქუთაისის სასამართლომ ერთი პირი დამნაშავედ ცნო, თუმცა გამოძიება გრძელდება. ამის შესახებ მთავარი პროკურატურის მიერ გავრცელებულ განცხადებაშია აღნიშნული.
"ქუთაისის საქალაქო სასამართლომ, სასჯელაღსრულების დეპარტამენტის გეგუთის #14-ე დაწესებულებაში, მსჯავრდებულ ლევან კორტავას გარდაცვალების ფაქტზე ერთ-ერთი თანამონაწილე გიორგი შემაზაშვილი ცემის, ჯგუფურად ჯანმრთელობის განზრახ მძიმე დაზიანების, რამაც სასიკვდილო შედეგი გამოიწვია და ქურდული სამყაროს წევრობისთვის დამნაშავედ ცნო.
დანაშაულები გათვალისწინებული საქართველოს სსკ-ის 125-ე მუხლის პირველი ნაწილით, 2231 მუხლის პირველი ნაწილითა და 117-ე მუხლის მეხუთე და მეექვსე ნაწილებით.
სასამართლომ გიორგი შემაზაშვილს 11 წლითა და 3 თვის ვადით თავისუფლების აღკვეთა მიუსაჯა და 2000 ლარის ოდენობით ჯარიმა განუსაზღვრა. გიორგი შემაზაშვილი 2013 წლის 7 ივნისს, სასჯელის კალენდარულად მოხდის შედეგად კოლონიიდან გათავისუფლდა, რის გამოც მისი ბრადებულად დაკავება მოხდა 2013 წლის 2 აგვისტოს ამ უკანასკნელის საცხოვრებელ ბინაში.
ლევან კორტავას გარდაცვალებაში მონაწილე დანაშაულის სხვა თანამონაწილეების, ამჟამად სხვადასხვა მძიმე და განსაკუთრებით მძიმე დანაშაულებისათვის მსჯავრდებულების, ლაშა კვანტალიანის, შოთა სინაურიძის, სოლომონ დაშნიანის, გელა უშხვანის, თეიმურაზ გურეშიძისა და ნუგზარ ბუჩუაძის, ასევე გეგუთის #14-ე სასჯელაღსრულების დაწესებულების ყოფილი თანამშრომლების მიმართ ქუთაისის სასალაქო სასამართლოში გრძელდება სისხლის სამართლის საქმეთა განხილვა", - ნათქვამია განცხადებაში.