პრორუსულმა ძალებმა სლავიანსკი ბლოკპოსტებითა და ბარიკადებით შემოსაზღვრეს. ქალაქის შესასვლელებში ყველა ავტომობილს რამდენჯერმე ამოწმებენ. სლავიანსკში არ შეუშვეს ჟურნალისტები აშშ-დან და კანადიდან. დონცკელმა აქტივისტებმა სლავიანსკში მძიმე ტექნიკაც ჩაიყვანეს. ისინი ავტომატებით, ნაღმმტყორცნებით და სანადირო თოფებით არიან შეიარაღებული.

სეპარატისტები სლავიანსკის მოსახლეობას მოუწოდებენ შეიკრიბონ ქალაქის მთავარ მოედანზე, რათა ვიდეომიმართვით რუსეთის პრეზიდენტ ვლადიმერ პუტინს „შველა“ თხოვონ.

რუბლის კურსმა დოლარისა და ევროს მიმართებაში, სლავიანსკის მოვლენების ფონზე, დაცემა დაიწყო.

სეპარატისტებს სლავიანსკში იგორ სტრელკოვი ხელმძღვანელობს. მათ სამი უკრაინული ვერტმფრენი ჩამოაგდეს. ამ დროისთვის ცნობილია, რომ ორი სამხედრო დაიღუპა. რამდენიმე დაიჭრა.