პენტაგონის პრესმდივნის ჯონ კერბის განცხადებით, რუს კოლეგასთან სატელეფონო საუბრისას ჩაკ ჰეიგელმა მოსკოვს ჟენევის მოლაპარაკებების შესრულებისკენ მოუწოდა.

"თავდაცვის მდივანმა მოუწოდა რუსეთს შეწყვიტოს უკრაინაში დესტაბილიზაციის გამომწვევი ქმედებები და გააფრთხილა, რომ რუსეთის შემდგომი აგრესიული ქმედებებით რუსეთი უფრო მეტ იზოლაციაში აღმოჩნდება და დამატებით დიპლომატიურ და ეკონომიკურ ზეწოლას მოუტანს", - ნათქვამია პენტაგონის მიერ გავრცელებულ განცხადებაში.

ამასთან, ჩაკ ჰეიგელმა სერგეი შოიგუს სლავიანსკში პრორუსი სეპარატისტების მიერ დაკავებული შვიდი ევროპელი ინსპექტორის გათავისუფლების თხოვნით მიმართა.