აშშ-ის კვალად, უკრაინის კრიზისთან დაკავშირებით, იაპონიისა და კანადის ხელისუფლებებმა რუსეთთან მმართებით დამატებითი სანქციები გამოაცხადეს.

23 რუსი პოლიტიკოსი და ბიზნესმენი იაპონიის ვიზას დროებით ვერ მიიღებს. მათი ვინაობა, ჯერჯერობით, არ სახელდება.

კანადის სიაში ცხრა რუსი, ასევე ორი საკრედიტო ორგანიზაცია: „ეკსპობანკი“ და „როსენერგობანკი“ მოხვდნენ.

კანადის სიაში შესულები ცნობილია: პრეზიდენტის ადმინისტრაციის ხელმძღვანელის მოადგილე ვიაჩესლავ ვოლოდინი, ვიცე-პრემიერი დიმიტრი კოზაკი, სახელმწიფო დუმის საერთაშორისო საქმეების კომიტეტის თავმჯდომარე ალეკსეი პუშკოვი, ამავე კომიტეტის წევრი ალექსანდრ ბაბაკოვი, პრეზიდენტის პოლიტიკური წარმომადგენელი ყირიმის ფედერალურ ოლქში ოლეგ ბელავენცევი და ფედერალური დაცვის სამსახურის უფროსი ევგენი მუროვი.

გარდა ამისა, სიაში არიან ბიზნესმენები არკადი და ბორის როტენბერგები და „ელდეპეერის“ ლიდერი ვლადიმერ ჟირინოვსკი.

რუსეთში ახალი სანქციები „გულის რევით“ მიიღეს.

რუსეთის საგარეო საქმეთა მინისტრის მოადგილემ სერგეი რიაბკოვმა საააგენტო ინტერფაქსთან ინტერვიუში განაცხადა, რომ აშშ-მ „უკრაინიაში მიმდინარე მოვლენების სრული გაუგებრობის“ დემონსტრირება მოახდინა. „თეთრი სახლის პრეს-მდივნის განცხადება გულის რევას იწვევს“, - განაცხადა რიაბკოვმა.

მოამზადა ლევან ებრალიძემ.