ამავდროულად, სანქცირებულთა სიის გაფართოების შესახებ ევროკავშირმაც გამოაცხადა. ევროპული სია თხუთმეტკაციანია, თუმცა, მისი გამოქვეყნება სამშაბათისთვის იგეგმება.

ოფიციალური პირების ამერიკულ სიაში, რომლებზეც სანქცია გავრცელდა, არიან „როსნეფტის“ მეთაური იგორ სეჩინი, სახელმწიფო კორპორაცია „როსტექ“-ის გენერალური დირექტორი სერგეი ჩემეზოვი, რუსეთის მთავრობის ვიცე-პრემიერი დიმიტრი კოზაკი და პრეზიდენტის ადმინისტრაციის უფროსის მოადგილე ვიაჩესლავ ვოლოდინი.

გარდა ამისა, სიაში შევიდნენ პრეზიდენტის პოლიტიკური წარმომადგენელი ყირიმში ოლეგ ბელავენცევი, ФСО-ს მეთაური ევგენი მუროვი და სახელმწიფო დუმის საერთაშორისო საქმეების კომიტეტის ხელმძღვანელი ალექსეი პუშკოვი.

თეთრი სახლის პრეს-მდივნის, ჯეი კარნის თქმით, რუსეთს არაფერი გაუკეთებია, რათა ჟენევის შეთანხმება შეესრულებინა, არამედ, პირიქით, ხელს უწყობდა უკრაინაში კრიზისის ესკალაციას.