ოთხი დამწვარი გვამი ძალადობრივი სიკვდილის ნიშნებით, რუსეთის მიერ ოკუპირებიულ ყირიმში, კერძო სახლში იპოვეს.

ამის შესახებ რუსეთის საგამოძიებო კომიტეტის პრეს-სამსახური იტყობინება.

46 წლის დიასახლისი და მისი 12 წლის ქალიშვილი, ასევე სტუმრად მყოფი 44 წლის ქალბატონი და მისი 16 წლის ქალიშვილი, გარდაცვლილი იპოვეს 27 აპრილს.

„ხანძრის ლოკალიზების შემდეგ აღმოაჩინეს გვამები გამჭოლი ჭრილობებით. ადგილის დათვალიერების შემდეგ, მკვლევარებმა დაადგინეს, რომ საცხოვრებელ სახლში ხანძარი ცეცხლის განზრახ მოკიდებით გაჩნდა“, - ნათქვამია პრეს-რელიზში.

სამართალდამცავებმა ეჭვმიტანილის ვინაობა დაადგინეს. ის აღმოჩნდა მანამდე ნასამართლევი 29 წლის არტურ ტ., რომელიც 46 წლის ქალის სახლში თებერვლიდან ცხოვრობდა. ის ძებნაშია გამოცხადებული.