CHINAWOMAN თბილისში სამკაციანი ბენდით ჩამოდის და საათნახევრიან კონცერტს გამართავს. კანადელი მუსიკოსი როგორც ძველ, ისე ახალ კომპოზიციებს შეასრულებს. ბილეთები გაყიდვაში 8 დეკემბრიდან ჩაეშვება. 
ბილეთის ფასი 40 ლარია, ხოლო სპეციალური აქციის ფარგლებში, შეზღუდული რაოდენობის - 500 ბილეთის ფასი 30 ლარი იქნება. ბილეთები სპორტის სასახლისა და დინამოს სალაროებში გაიყიდება.
Chinawoman-ის ფსევდონიმის მიღმა რუსულ-ებრაული წარმოშობის მიშელ გურევიჩი დგას. დასავლური და საბჭოური ტრადიციების უჩვეულო სინთეზით შექმნილი მელანქოლიური ჰანგებით, მან ათასობით თაყვანისმცემელი გაიჩინა.

კონცერტი "ალთერვიჟენ ჯგუფის" ახალი მუსიკალური პროექტის "ოზონი ლაივ"-ის ფარგლებში იმართება.