რუსეთის წინააღმდეგ ამერიკული საჯარიმო სანქციების მომდევნო სტადია, რომელსაც ვაშინგტონი 28 აპრილს გამოაცხადებს, რუსეთის თავდაცვით მრეწველობას და პრეზიდენტ პუტინის ახლო გარემოცვას შეეხება. ამის შესახებ ტელეკომპანია CBS-ის ეთერში, ეროვნულ უსაფრთხოებაში აშშ-ის პრეზიდენტის მრჩევლის მოადგილემ ტონი ბლინკენმა გამოაცხადა.

„ვაპირებთ დავასახელოთ ადამიანები, რომლებიც ვლადიმერ პუტინის გარემოცვაში შედიან და მნიშვნელოვანი გავლენა აქვთ რუსულ ეკონომიკაზე. ჩვენ ვაპირებთ დავასახელოთ კომპანიები, რომლებსაც აკონტროლებენ ადამინები მისი უახლოესი წრიდან. ასევე მივმართავთ ნაბიჯებს, რომლებიც მათი თავდაცვითი სექტორის მაღალტექნოლოგიურ ექსპორტს შეეხება“, - ციტირებს თეთრი სახლის წარმომადგენლის განცხადებას სააგენტო Reuters.

მოამზადა ლევან ებრალიძემ.