ლუგანსკში პრორუსულად განწყობილმა აქტივისტებმა მიტინგის მსვლელობისას „ლუგანსკის სახალხო რესპუბლიკის“ შექმნის შესახებ გამოაცხადეს.

მიტინგში მონაწილეობს რამდენიმე ასეული სეპარატისტი, რომელთაც ლუგანსკის ოლქის უკრაინის უშიშროების სამსახურის სამმართველოს შენობა აქვთ დაკავებული.

მიტინგზე ასევე გამოაცხადეს ადგილობრივი რეფერენდუმის ჩატარების შესახებ, რომლის ჩატარებაც სეპარატისტებს სურთ: „უჭერთ თუ არა მხარს „ლუგანსკის სახალხო რესპუბლიკის“ სახელმწიფო დამოუკიდებლობის აქტს“.

შეგახსენებთ, რომ 7 აპრილს, დონესკის სახელმწიფო ადმინისტრაციული შენობის დამკავებლებმა „დონეცკის სახალხო რესპუბლიკის“ შექმნის შესახებ გამოაცხადეს, ხოლო იმავე დღის საღამოს ხარკოვში თავის „სახალხო რესპუბლიკა“ გამოაცხადეს.

რადიო თავისუფლების მასალების მიხედვით, მოამზადა ლევან ებრალიძემ.