ხარკოვში უკრაინის ერთიანობისა და ფედერალიზაციის მხარდამჭერთა მიტინგი შეტაკებით დასრულდა. აქციაზე ფეხბურთის გულშემატკივრებიც იმყოფებოდნენ.

დაპირისპირება მას შემდეგ დაიწყო, რაც ქვეყნის ერთიანობის მომხრეთა აქციაზე პრორუსი აქტივისტები საბჭოთა კავშირის დროშებით მივიდნენ. შეტაკების დროს 15 ადამიანი დაშავდა. მათგან 8 საავადმყოფოშია მოთავსებული. დაშავებულებს შორის ორი მილიციელია.

ორივე აქცია თავდაპირველად მშვიდობიანი იყო, თუმცა მოგვიანებით პრორუსულად განწყობილი დემონსტრანტები თავს დაესხნენ კონტრაქციის მონაწილეებს, რასაც დაპირისპირება მოჰყვა. თვითმხილველების თქმით, კონფლიქტის განმუხტვა მილიციამ შეძლო.

ლუგანსკში გამართულ საპროტესტო აქციაზე კი პრორუსმა დემონსტრანტებმა ლუგანსკი დამოუკიდებელ რესპუბლიკად გამოაცხადეს. მათი თქმით, იმ შემთხვევაში, თუ კიევი მათ წინააღმდეგ ძალას გამოიყენებს, დახმარებისთვის რუსეთს მიმართევენ.

დონეცკში კი დემონსტრანტებმა ადგილობრივი ტელეცენტრის შენობა დაიკავეს.