რუსების მიერ გატაცებული სამი ქალი თავისუფალია. აღნიშნულის შესახებ ნიუპოსტს“ ზეღდულეთიდან აცნობეს. რუსუდან ხუროშვილი, ზეინაბ ხარხელი და ლალი ხუროშვილი ცხინვალის დეფაქტო ხელისუფლებამ ჯარიმის გადახდის სანაცვლოდ გაათავისუფლა. საერთო ჯამში მარიონეტულმა რეჟიმმა ქართველი ტყვეების გათავისუფლების სანაცვლოდ 6 ათასი რუბლი მიიღო. სოფელ ხურვალეთიდან რუსმა ე.წ. მესაზღვრეებმა 3 ქალი 25 აპრილს დააკავეს. ადგილობრივების განმარტებით, ოკუპანტებმა ისინი ძალისმიერი ქმედებებით სოფლის კუთვნილი მინდვრებიდან იმ დროს წაიყვანეს, როდესაც ისინი საქონელს მწუემსავდნენ. ვრუსმა ძალოვნებმა ქალბატონები ჯერ რუსულ სამხედრო ბაზაზე გადაიყვანეს, მოგვიანებით კი ცხინვალის დეფქტო ტეხლისუფლებას გადასცეს. დაკავებულები ე.წ. საზღვრის უკანონოდ გადაკვეთის ბრალდებით გაასამართლეს.

გიორგი ახალკაცი „ნიუპოსტი“ გორი