უკრაინის ქალაქ სლავიანსკში ტერორისტებმა ეუთოს წარმომადგენლები დააკავეს.

ინფორმაციას რუსული მედია უკრაინის შსს-ს საზოგადოებასთან ურთიერთობის სამსახურის ინფორმაციაზე დაყრდნობით ავრცელებს.

წყაროს ცნობით, მათ ავტობუსი დააკავეს, რომელშიც ეუთოს წარმომადგენლები ისხდნენ. ისინი ადგილობრივი უშიშროების სამსახურის შენობაში გადაიყვანეს. ამ დროისთვის პრორუსულ ძალებთან საერთაშორისო ორგანიზაციის დაკავებული წევრების გასათავისუფლებლად მოლაპარაკებები მიმდინარეობს. ტერორისტები მათ გათავისუფლებაზე უარს აცხადებენ.

ეუთოს წევრებთან ერთად დაკავებულები არიან უკრაინის შეიარაღებული ძალების მოსამსახურეები და ავტობუსის მძღოლი.