სოფელ ხურვალეთიდან გატაცებული 60 წლის ქეთევან ხუროშვილი რუსმა ოკუპანტებმა დაკავებიდან რამდენიმე საათში გაათავისუფლეს. იგი ცხინვალის მილიციის წინასწარი დაკავების იზოლატორში არ გადაუყვანიათ.

ამის შესახებ „ნიუპოსტს“ სოფლის რწმუნებულმა მანანა თვაურმა განუცხადა.

ქეთევან ხუროშვილი ოკუპანტებმა საკუთარი ნაკვეთიდან გაიტაცეს და იგი ოკუპირებული ცხინვალის მიმართულებით წაიყვანეს, თუმცა როგორც ხუროშვილი აცხადებს მას ხურვალეთის მეზობლად მდებარე ოსურ სოფელ ჯუკაანის მოსახლეობა დაეხმარა და ოკუპანტების ტყვეობას გადაარჩინა. ჯუკაანში მცხოვრებლებმა რუს ოკუპანტებს განუმარტეს, რომ 60 წლის ქალი საკუთარ ნაკვეთში იყო და ე.წ. საზღვარი გადაკვეთილი არ ჰქონდა.

გიორგი ახალკაცი „ნიუპოსტი“ გორი