თერჯოლის მუნიციპალიტეტის სოფელ ეწერში მომხდარ მკვლელობაში ეჭვმიტანილი 37 წლის ანზორ ბოგველაძემ მკვლელობამდე სამჯერ იყო ნასამართლევი: მეზობლის ქალის მკვლელობისთვის, მეზობელი გოგონას გაუპატიურებისა და თანასოფლელი ქალის გაუპატიურების მცდელობისთვის. როგორც სოფელ ეწერის რწმუნებული გვიყვება, ბოგველაძეს არა მარტო დედასთან და ძმასთან, მეზობლებთანაც ხშირად ჰქონდა კონფლიქტი.

„კვირის პალიტრასთან“ საუბარში სოფელ ეწერის რწმუნებული ვაჟა ბერუაშვილი ამბობს, რომ ანზორ ბოგველაძის დედას ეშინოდა და ცდილობდა, გარიდებოდა, ხშირად ნათესავებთან რჩებოდა. ბერუაშვილი იხსნებეს, რომ იგი ადრე სხვა დანაშაულისთვისაც იხდიდა სასჯელს.

„მეზობლის ინვალიდი გოგონა გააუპატიურა, მერე ჰქონდა კიდევ სხვისი გაუპატიურების მცდელობაც. დიდხანს თავისუფლებაზე არც ყოფილა - დანაშაულს დანაშაულზე სჩადიოდა - მოიხდიდა სასჯელს და წელიწადი არ იყო გასული, ახალ დანაშაულს სჩადიოდა და იჭერდნენ. რამდენიმე დღის წინ მეზობლებთან მოუვიდა კონფლიქტი - კარი არ გაუღეს და ერთი ამბავი ატეხა“, - ამბობს ბერუაშვილი „კვირის პალიტრასთან“ საუბარში.