მაია კობახიძე: თბილისში 25 დირექტორი ყოფილი ციხის ბადრაგია

საზოგადოება - 11:37, 08 Dec, 2012

1896

,,მე გიორგი მარგველაშვილსაც და მის მოადგილესაც მივაწოდე ინფორმაცია ჩემი მხრიდან. დღეს ძალიან ბევრი დირექტორია, რომელიც არა მხოლოდ უნდა მოხსნან, მათი პასუხისმგებლობის საკითხიც უნდა დადგეს. შეულახეს ღირსება მასწავლებლებს, სავარძლის შენარჩუნების მიზნით, უსინდისოდ ასრულებდნენ ყველა უკანონო და უსამართლო დავალებებს. 2 ოქტომბერს გადაიცვეს ,,ქართული ოცნების" მაისურები და ასე ფარისევლობით ისევ თბილად სხედან თანამდებობებზე. ცნობისათვის, თბილისში 25 დირექტორია ყოფილი ციხის ბადრაგი.ისე რა უნდა გაგვიკვირდეს, ტარას შავშიშვილი მასწავლებელთა პროფესიული განვითარების ეროვნული ცენტრის დირექტორის მოადგილეა კვლავ. სენაკში, ხობში, ზუგდიდსა და ფოთში რესურსცენტრების ხელმძღვანელები შავშიშვილის ,,სინდიკატის" შენარჩუნებაზე მუშაობენ, პედაგოგებს არ აძლევენ გავიდნენ ,,სინდიკატიდან", სადაც იძულებით გააწევრიანეს, დირექტორებს აფრთხილებენ არ დააკმაყოფილონ პედაგოგების განცხადებები ,,სინდიკატიდან" გასვის თაობაზე.კარგი შემსრულებელი დირექტორები განსაკუთრებულად კომფორტულად ისხდნენ კაბინეტებში და შაშკინის გვერდით. სამწუხაროდ დღეს არის სკოლები საიდანაც მასწავლებლები გვიკავშირდებიან და გვეუბნებიან რომ დირექტორები ისევ ემუქრებიან, თითს უქნევენ პედაგოგებს. მასწავლებლები გამოთქვამენ პროტესტს, ამათი დრო როდის უნდა დასრულდესო. დღეს ბევრ დირექტორს არ აქვს მორალური უფლება სკოლა მართოს, მაგრამ სამწუხაროდ ისევ ადგილზე არიან.“- აცხადებს მაია კობახიძე ,,ნიუპოსტთან“ საუბარში.