ასეთი აზრი, გაღრმავებული საერთაშორისო კვლევების, ჯონს ჰოპკინსის სახელობის უნივერსიტეტში (SAIS), ცნობილმა ექსპერტმა ზბიგნევ ბჟეზინსკიმ გამოთქვა, გადმოსცემს ამერიკის ხმა.

„ეს კანონიერების და საერთაშორისო შეთანხმებების საკითხია და იმის აღიარება, რომ ევროპაში ყველა საზღვარი არ ემყარება სრულად და ზუსტად მოსახლეობის ეთნიკურ კუთვნილებას, რომელიც განსაზღვრულ ტერიტორიებზე ცხოვრობს. უფრო მეტიც - ევროპული ქვეყნების უმრავლესობას ჰყავს მოქალაქეები, რომლებიც ისტორიულ ეთნიკურ უმრავლესობას არ მიეკუთვნებიან“, - აღნიშნა ბჟეზინსკიმ.

„ერთმხრივი მოქმედება სახელმწიფოს მხრიდან, რომელიც აცხადებს, რომ არის დამცველი ყველასი, ვინც მის სატიტულო ეთნიკურ ჯგუფს მიეკუთვნება - იმათიც კი, ვინც საზღვარგარეთ ცხოვრობს - კატასტროფისაკენ გზაა“, - აღნიშნა ბჟეზინსკიმ.

„მოდით ევროპის გარეთ გავიხედოთ. მხოლოდ წარმოიდგინეთ შედეგები, თუ ეს ფორმულა შორეულ აღმოსავლეთში დაიწყებს დომინირებას“, - აღნიშნა ექსპერტმა.

მანამდე, ბჟეზინსკიმ განაცხადა, რომ პუტინის მიმართვა რუსული ნაციონალიზმისა და შოვინიზმის მიმართ, „ცეცხლთან თამაშს“ წარმოადგენს.

„პუტინის შოვინიზმი ეს ცეცხლთან თამაშია: რუსეთის მთელი მოსახლეობა დაახლოებით 145 მილიონია; არარუსი მათ შორის 25 მილიონზე მეტია, მათგან მუსულმანი დაახლოებით ნახევარია“, - წერს ბჟეზინსკი.

მოამზადა ლევან ებრალიძემ.