ტელეკომპანია „იმედის“ ყოფილი გენერალური დირექტორის მოადგილე ალექსანდრე ფარულავა პროკურატურაში დაკითხვაზე დაიბარეს. ინფორმაციას ფარულავას ადვოკატი ავრცელებს.

მისი თქმით, ეს ფაქტი შესაძლოა პროკურატურის მხრიდან მოწმეზე ზეწოლად შეფასდეს. ადვოკატის მტკიცებით დაცვის მხარის მოწმეთა სიაში ფარულავა ისედაც არი და იგი დაცვის მხარის მოთხოვნით უშუალოდ დაიკითხება პროცესზე. თუმცა ადვოკატის თქმით, პროკურატურამ მხოლოდ მას შემდეგ გადაწყვიტა ალექსანდრე ფარულავას დაბარება, რაც „იმედის“ ყოფილმა იურისტმა და ამჟამად სოზარ სუბარის მოადგილემ გიგა გიორგაძემ მისცა ჩვენება. მან ფარულავასა და ტელეიმედის სარედაქციო პოლიტიკაზე ისაუბრა. მისი თქმით ამ პროცესში წინა ხელისუფლების წარმომადგენლები ერეოდნენ, რასაც ალექსანდრე ფარულავა უარყოფს.