საქართველოს ექსპრეზიდენტის, მიხეილ სააკაშვილის მძღოლმა საქართველო უპრობლემოდ დატოვა. მამუკა ქუსიკაშვილი იმ ბრონირებულ ავტომობილს მართავდა, რომელიც 2005 წლის 3 თებერვალს ავარიაში მოყვა.

მოწმე ყოფილი პრემიერის საქმესთან დაკავშირებით 28 მარტს უნდა დაკითხულიყო, თუმცა სავარაუდოდ მისი დაკითხვა გადაიდო.

როგორც „ნიუპოსტს“ პროკურატურის პორესსამსახურში განუცხადეს, ამ ეტაპზე არ არის ცნობილი როდის მოხდება ქუსიკაშვილის დაკითხვა.

„ვეცადე გამეგო დეტალები, თუმცა მისი საქმის პროკურორს ვერ დაუკავშირდი. შესაბამისად, ინფორმაცია არ მაქვს. სავარაუდოდ, ხვალ მეცოდინება ზუსტად რა იქნება“, - განუცხადა "ნიუპოსტს" პროკურატურის პრესსამსახურის უფროსმა თემურ დოლიძემ.