კუდ-ის ყოფილი ხელმძღვანელი დათა ახალაია იტალიაში სხვისი სახელით გადასვლას ცდილობდა.

„მოამბესთან“ საუბარში საბერძნეთის პოლიციის წარმომადგენელი ახალაიას დაკავების დეტალებზე საუბრობს.

სატელეფონო ინტერვიუში განყოფილების წარმომადგენელი ახალაიას აყვანის ფაქტს ადასტურებს. მისი თქმით, კუდ-ის ყოფილი უფროსი მაშინ დააკავეს, როდესაც ის, ოთარ ურუშაძის სახელით, იტალიაში გადასვლას ცდილობდა.

ბერძნული პოლიციის თანამშრომლის ცნობით, კონსტიტუციური უსაფრთხოების დეპარტამენტის ყოფილი ხელმძღვანელი ამ დროისთვის პატრასის ციხეში წინასწარ პატიმრობაშია. ფაქტის შესახებ უკვე ინფორმირებულია საქართველოს საკონსულო.