მარიუპოლის მერიის შენობა მებრძოლებისგან გაათავისუფლეს

მსოფლიო - 12:52, 24 Apr, 2014

1639

უკრაინის შინაგანმა ჯარებმა მარიუპოლის მერიის შენობა გაათავისუფლა შემპყრობლებისაგან, რომელთაც სახელმწიფო საბჭო 13 აპრილიდან დაკავებული ჰქონდათ, იუწყება უკრაინის შინაგან საქმეთა სამინისტროს მეთაური არსენ ავაკოვი.

„სახელმწიფო საბჭო დაცვის ქვეშ აიყვანება. მერი უკვე შიგნიტ არის“, - დაწერა ავაკოვმა თავის „ფეისბუკზე“.

მინისტრი იუწყება, რომ მერიის გათავისუფლებამ უმსხვერპლოდ ჩაიარა.

„როგორც აქამდე ვამბობდით: განსხვავებულად მოაზროვნეეებს - დიალოგი და დისკურსი, ტერორისტებს - მკაცრი პასუხი განადგურებამდე. ამ შემთხვევაში მსხვერპლის გარეშე ჩაიარა. და ეს კარგი და სწორია.ქალაქში სიტუაციის ნორმალიზების პროცესი გაგრძელდება“, - დასძინა ავაკოვმა.

რამდენიმე დღის წინ უკრაინის შსს-მ დონეცკის ოლქში ქალაქი სვიატოგორსკი, ძალისმიერი ოპერაციის მსვლელობისას, „უკანონო შეიარაღებული დაჯგუფებებისგან“ გაათავისუფლა.

აღდგომის სადღესასწაულო შესვენების შემდეგ, ძალოვანმა სტრუქტურებმა „ანტიტერორისტული ოპერაცია“ განაახლა უკრაინის აღმოსავლეთში, სადაც პრორუსი აქტივისტები ადმინისტრაციული შენობების დაკავებას განაგრძობენ.

უკრაინის თავდაცვის სამინისტრომ ასევე განაცხადა, რომ ოთხშაბათს ღამით, არტემოვსკის საბრძოლო ნაწილზე შეიარაღებული თავდასხმა გახორციელდა.

სამხედროებმა საპასუხო ცეცხლი გახსნეს, რის შემდეგაც თავდამსხმელები გაიფანტნენ.

„თავს დაგვესხა დაახლოებით 70 კაციანი დაჯგუფება რუსი სამხედროს მეთაურობით (სლავიანსკში გადაღებულ ფოტოებზე დაფიქსირებული - ფართოწვერიანი). სამხედროებმა თავდასხმა მოიგერიეს. დაჭრილია ჯარისკაცი. თავდამსხმელთა მხრიდან დაშავებულებზე ინფორმაცია ზუსტდება“, - დაწერა ფეისბუკის საკუთარ გვერდზე არსენ ავაკოვმა.

ბიბისის მასალების მიხედვით, მოამზადა ლევან ებრალიძემ.