გამანადგურებლები შოტლანდიაში სამეფო სამხედრო-საჰაერო ძალების ლიუჩარზის ბაზიდან აფრინდნენ. როგორც იტყობინებიან, ამის შემდეგ მალე, რუსულმა სამხედრო თვითმფრინავებმა კურსი შეიცვალეს.

ბრიტანული თავდაცვის უწყების წარმომადგენელი იუწყება, რომ ბოლო წლის მანძილზე განგაშის მსგავსი სიგნალები არანაკლებ რვაჯერ გადაეცა.

მისი თქმით, სამხედრო-საჰაერო ძალების ხელმძღვანელობა იძულებული გახდა რეაგირება მოეხდინა, რათა განესაზღვრათ უცხოური თვითმფრინავების კუთვნილება, რომლებიც შოტლანდიის სანაპიროებს მიუახლოვდნენ და ვერ იქნენ იდენტიფიცირებული სხვა საშუალებებით.

„შემდეგ, თვითმფრინავები იდენტიფიცირებული იქნენ როგორც რუსული. მთელი ამ დროის მანძილზე, ისინი საერთაშორისო სივრცეში იმყოფებოდნენ, რაზეც სრული უფლება გააჩნიათ“, - განაცხადა სამინისტროს წარმომადგენელმა.

მოამზადა ლევან ებრალიძემ.