თავდაცვის ყოფილი მინისტრის ადვოკატმა საქალაქო სასამართლოში სარჩელი გუშინ შეიტანა. ირაკლი ოქრუაშვილი ცენტრალური საარჩევნო კომისიის მიერ მიღებულ გადაწყვეტილება გაასაჩივრა. სასამართლო პროცესი შესაძლოა დღეს გაიმართლოს.

„ნიუპოსტთან“ საუბარში ოქრუაშვილის ადვოკატმა ზვიად კორძაძემ განაცხადა: „სასამართლო პროცესის გამართვის ზუსტი დრო უცნობია, არ ვიცი როდის გაიმართება. თუმცა, იმედი მაქვს რომ სასამართლო სწორ გადაწყვეტილებას მიიღებს, სხვა შემთხვევაში სარჩელს არ შევიტანდი.

ცენტრალურმა საარჩევნო კომისიამ ბათილად ცნო გორის საოლქო საარჩევნო კომისიის გადაწყვეტილება, რომლის მიხედვითაც ირაკლი ოქრუაშვილი გორის მერობის კანდიდატად დარეგისტრირდა. ცენტრალურმა საარჩევნო კომისიამ მიზეზად ის ფაქტი დაასახელა, რომ ოქრუაშვილი, კანონის შესაბამისად, ბოლო ორი წელი საქართველოში არ ცხოვრობდა.