„ქრონიკა +“-ის მთავარი რედაქტორი ელისო კილაძე გაძარცვეს.

როგორც „ნიუპოსტს“კილაძემ განუცხადა მის კუთვნილ ავტომობილს გვიან ღამით სარკეები მოხსნეს.

„ვიყავი „ქრონიკა +“-ის ოფისში. სტუმრების გაცილების შემდეგ ჩამოვედი და ვნახე, რომ მანქანაზე სარკეები მოხსნილი იყო. როგორც ჩანს იმ მომენტში ჩამოვედი, როდესაც მანქანის გატეხვას აპირებდნენ. პოლიციისთვის მიმართვა არც კი მიფიქრია, რადგან ეს არის 90-იან წლებში დაბრუნება. დავწერე კიდეც, რომ არც კი ვიცი ეხლა ხელისუფლებას ვაგინო თუ საკუთარ თავს, რადგან ხმა ამათ მივეცი“, - განაცხადა კილაძემ.