ბარაკ ობამამ აზიური ტურნე დაიწყო

მსოფლიო - 23:02, 23 Apr, 2014

1596

ამერიკის შეერთებული შტატების პრეზიდენტმა აზიური ტურნე დაიწყო. ბარაკ ობამა უკვე გაემგზავრა იაპონიაში.
ერთკვირიანი ვიზიტის პირველი გაჩერება ტოკიო იქნება, შემდეგ კი ობამა სამხრეთ კორეას, მალაიზიას და ფილიპინებს ეწვევა.
ოფიციალური ცნობით, აზიის ქვეყნების ლიდერებთან შეხვედრისას ობამა ყურადღებას ქვეყნებს შორის ურთიერთობებზე გაამახვილებს.
იაპონიის პრემიერთან ტრანს-წყნარი ოკეანიის თანამშრომლობის ორგანიზაციის შექმნის საკითხიც განიხილება. ბოლო 18 წლის განმავლობაში ეს პირველი შემთხვევაა, როდესაც შეერთებული შტატების პირველი პირი იაპონიაში ჩადის. ობამას ვიზიტის გასაპროტესტებლად ფილიპინებში აქცია მოეწყო - დემონსტრაცია შეტაკებებით დასრულდა.
დაპირისპირება მაშინ დაიწყო, როდესაც აქციიის მონაწილეებმა ამერიკის საელჩოს შენობასთან მიახლოება სცადეს. სამართალდამცველებმა დემონსტრანტების შესაჩერებლად წყლის ჭავლი გამოიყენეს. გავრცელებული ინფორმაციით, დაპირისპირების შედეგად არავინ დაშავებულა.
აქციის მონაწილეები შეერთებულ შტატებთან შესაძლო სამხედრო შეთანხმების ხელმოწერას აპროტესტებდნენ, ამ შეთანხმების მიხედვით, ქვეყანაში ამერიკელი სამხედროების რიცხვი უნდა გაიზარდოს.