სხვადასხვა ქვეყნიდან მოწვეული ბაიერები, ბლოგერები, ჟურნალისტები, ფეშენ მარკეტოლოგები და ფეშენ კონსულტანტები... 20 ქართველი დიზაინერი და Tbilisi Fashion Week – 6-10

ავთანდილი, გიორგი შაღაშვილი, ქეთი ჩხიკვაძე, აკა ნანიტაშვილი... ეს არასრული ჩამონათვალია იმ დიზაინერებისა რომლებიც თბილისის მოდის კვირეულზე 2014- 2015 წლის შემოდგომა ზამთრის კოლექციას აჩვენებენ. ერთწლიანი პაუზისა და ამ ფაქტთან დაკავშირებული დიდი აჟიოტაჟის შემდეგ თბილისის მოდის კვირეული ბრუნდება. თაკო ჩხაიძის განცხადებით მოდის კვირეულის ჩავარდნა განაპირობა იმ ფაქტმა, რომ სათანადო მხარდაჭერა არ იყო. როგორც „ნიუპოტის“ მკითხველმა იცის ამჯერად ჩვენება ვარდების ბაღში გაიმართება.

თაკო ჩხეიძე, მოდის კვირეულის დამფუძნებელი: „მივხვდით რომ ნამდვილად საჭიროა ამ ღონისძიების გაგრძელება, რადგან ეს პირველ რიგში მოდის ინდუსტრიის განვითარებას ემსახურება საქართველოში. ეს არის ერთ-ერთი გემოვნებიანი, მაღალხარისხიანი და ძალიან საქმიანი ღონისძიება. გარდა იმისა რომ მოდის სფეროს განვითარებას უწყობს ხელს, არის ტურიზმისა და ეკონომიკის განვითარებაც. ქართველ დიზაინერებს ძალიან დიდი რესურსი აქვს საიმისოდ, რომ ეს ყველაფერი უფრო ფართომაშტაბიანი გახდეს და მათ დაიკავონ ადგილი საერთაშორისო ასპარეზზე. ამისთვის ჩვენ ყველაფერს ვაკეთებთ.