უკრაინის უშიშროების სამსახურმა, გორლოვკის სახელმწიფო საბჭოს დეპუტატ, „ბატკივშინას“ წევრ ვლადიმერ რიბაკის მკველობაში მონაწილეები დაადგინა.

ამის შესახებ ანტიტერორისტული ცენტრის ბრიფინგზე უკრაინის უშიშროების სამსახურის პრეს-ცენტრის წარმომადგენელმა კატერინა კოსარევამ განაცხადა.

მისი თქმით, მკვლელობაში მონაწილეობდა რუსეთის ორი მოქალაქე - პოლკოვნიკი იგორ ბეზლერი (მეტსახელად - ბეს), რომელიც მსახურებას გადიოდა რუსეთის შეიარაღებული ძალების გენერალური შტაბის მთავარ სადაზვერვო სამმართველოში (ГРУ) და მიმართული იყო უკრაინაში, და იგორ სტრელკოვი (მეტსახელად - სტრელოკი). ორივეზე ძებნაა გამოცხადებული.

სააგენტო Цензор.НЕТ-ის მთავარი რედაქტორი იური ბუტსოვი ავრცელებს ინფორმაციას, რომ გორლოვსკის სახელმწიფო საბჭოს დეპუტატ ვლადიმირ რიბაკის და კიდევ ერთი ადამიანის მკვლელობის გამო, მინისტრთა კაბინეტის საგანგებო სხდომა გაიმართება.

ბუტუსოვი აღნიშნავს: გაიმართება „მინისტრთა კაბინეტის საგანგებო სხდომა სლავიანსკში ორი უკრაინელის გატაცებისა და მოკვლის გამო. ისინი გორლოვკაში მონაწილეობდნენ აქციაში „ერთიანი უკრაინისათვის!“. Цензор.НЕТ-ის წყარო შსს-ში, პარტია „ბატკივშინას“, გორლოვკის სახელმწიფო საბჭოს დეპუტატ რიბაკის, რომელიც ღიად შევიდა კონფლიქტში ყაჩაღებთან, რომლებიც უკრაინის დროშის ჩამოხსნას ცდილობდნენ, და კიდევ ერთი უკრაინელის, რომლის ნეშტის იდენტიფიცირებაც ჯერ ვერ მოხდა, გატაცებისა და დახოცვის დეტალებზე საუბრობს. აწამებდნენ საშინლად. უმჯობესია ეს ფოტოები არავინ ნახოს. ეს არა ადამიანებმა, არამედ მხეცებმა გააკეთეს. წვავდენენ ცეცხლით, სერავდნენ დანებით... ექსპერტები აჩვენებენ, რომ ეს კავკასიური ხელწერაა. კავკასია დონეცკის ოლქში. არის ორი მოწმე, რომელთაც დაინახეს როგორ აწამებდნენ ამ ადამიანებს შენობაში, რომელსაც „მწვანე კაცუნები“ აკონტროლებენ, სწორედ ისინი იცავდნენ საწამებელ ოთახს. ახლა, იქვე, სლავიანსკში ამერიკელი ჟურნალისტი გაიტაცეს და უკრაინის კიდევ რამდენიმე მოქალაქე. ყველა დეტალი შსს-ს ბრიფინგზე გამოქვეყნდება. მე არ ვიცი, კიდევ რამდენი მსხვერპლია საჭირო, რათა უკრაინის უშიშროების სამსახურმა ბოლოს და ბოლოს შეასრულოს უმაღლესი მთავარსარდლის პირდაპირი განკარგულება უკრაინის აღმოსავლეთში ტერორისტული დაჯგუფებების განადგურების შესახებ. სხვაგვარად, რაში გვჭირდება უშიშროების სამსახურის ანტიტერორისტული ცენტრი? უკრაინის უშიშროების სამსახურის ხელმძღვანელობა უნდა გადადგეს და არსენალები გაუხსნას ხალხს, რომელიც ღიად გაანადგურებს მოწინააღმდეგის დივერსანტებს. თუ ანტიტერორისტული ძალების გენერლები ძველებურად, გამომწვევად პასიურები იქნებიან, გაჩნდება კითხვა - ვისი ბიუჯეტიდან იღებენ ისინი ხელფასს? მაშინ ისინიც სამხედრო დანაშაულის თანამონაწილეები არიან?“.

მოამზადა ლევან ებრალიძემ.