კიევში, უკრაინის პრემიერ-მინისტრ არსენი იაცენიუკთან მოლაპარაკებების შემდეგ, პრეს-კონფერენციაზე გამოსვლისას, აშშ-ის ვიცე-პრეზიდენტმა ჯო ბაიდენმა განაცხადა, რომ უკრაინის კრიზისში საუბარი მიდის არა გეოპოლიტიკაზე, არამედ „საუბარია გაცილებით მნიშვნელოვანზე - უკრაინის დამოუკიდებლობისა და ერთიანობის დაცვაზე. მისი ეროვნული ღირსებისა და თავმოყვარეობის აღდგენაზე“, - თქვა მან.

თავის, მკვეთრი ტონით გამორჩეულ გამოსვლაში, ბაიდენმა რუსეთის ხელისუფლება კიდევ ერთხელ გააფრთხილა მეზობელი ქვეყნის შიდა საქმეებში ჩარევის, „ტერიტორიის დაპყრობის“ დაუშვებლობის შესახებ და მოუწოდა კონფლიქტის დეესკალაციისათვის გადამწყვეტი მოქმედებებისკენ.

ბაიდენმა ხაზი გაუსვა, რომ შეერთებული შტატები არასოდეს აღიარებს ყირიმის რუსულ ანექსიას, რომელსაც „არალეგალური ოკუპაცია“ უწოდა.

„ჩვენი ბევრი რამ მოვისმინეთ რუსი წარმომადგენლებისაგან. დადგა დრო შეწყდეს საუბარი და დაიწყოს მოქმედება“, - თქვა აშშ-ის ვიცე-პრეზიდენტმა და დასძინა, რომ „რუსეთის მომდევნო პროვოკაციული ქმედება გამოიწვევს გაცილებით ხისტ საპასუხო ზომებს და მის შემდგომ იზოლაციას“.

„ჩვენ არ დავრთავთ ნებას ეს პროცესი დაუსრულებელი გახადონ. სულ ცოტა დრო დარჩა იმისათვის, რათა პროგრესი მიღწეულ იქნას“, - გააფრთხილა ჯო ბაიდენმა.

მოამზადა ლევან ებრალიძემ.