აშშ-მ წარმოადგინა ფოტოები, რომლებიც, მათი აზრით, ადასტურებენ იმას, რომ უკრაინის აღმოსავლეთში მყოფი შეიარაღებულ მებრძოლებს შორის რუსი სამხედროები და რუსული სპეცსამსახურების ოფიცრები არიან. სახელმწიფო დეპარტამენტის წარმომადგენელმა ჯონ პსაკიმ, მასალების წარმოდგენისას, განაცხადა, რომ ისინი აშშ-ს კიევის ხელისუფლებამ გადასცა.

თუმცა, მან აღნიშნა, რომ Twitter-სა და სხვადასხვა საერთაშორისო საინფორმაციო საშუალებების მიერ გამოქვეყნებული ფოტოები, ასევე ახდენენ „რუსეთსა და უკრაინის აღმოსავლეთში მყოფ შეიარაღებულ ფორმირებებს შორის კავშირის“ დემონსტრირებას.

უკრაინის ხელისუფლების მიერ ვაშინგტონისთვის წარმოდგენილ ფოტოსურათებზე, არის მამაკაცი რუსული სპეცრაზმის ფორმაში, რომელიც გადაიღეს 2008 წელს საქართველოში ომის დროს. სწორედ ეს მამაკაცი, რომელსაც უკრაინული სპესცამსახურები „იგორ ივანოვიჩ სტრელკოვს“ უწოდებენ, ჩანს, ახლახან, კრამატორსკიში მილიციის რაიონული განყოფილების სეპარატისტების მიერ აღებისას და ასევე - სლავიანსკში გადაღებულ ფოტოებზე.

აშშ რუსეთს ბრალს სდებს უკრაინის აღმოსავლეთში არეულობის გაღვივებაში. რუსეთი ასეთ ბრალდებებს კატეგორიულად უარყოფს.

მოამზადა ლევან ებრალიძემ.