გერმანიის ეკონომიკის მინისტრმა ზიგმარ გაბრიელმა ჩინეთს მოუწოდა ისარგებლოს მოსკოვთან თავისი კონტაქტებით. მან განაცხადა, რომ შეეცდება ეს თემა ჩინეთის სახელმწიფო საბჭოს პრემიერ ლი კეციანომთან მოლაპარაკებებისას განიხილოს.

„რა თქმა უნდა, ჩვენ ვთხოვთ ჩინელებს ახსოვდეთ თავისი გაზრდილი პასუხისმგებლობა მსოფლიო არენაზე და ჩაერიონ ისეთ კონფლიქტებში, როგორსაც ახლა ევროპაში, უკრაინასა და რუსეთს შორის ვხედავთ“, - თქვა მინისტრმა 22 აპრილს, შეხვედრის დაწყებამდე.

გაბრიელის თქმით, ჩინეთიც და რუსეთიც, ბოლო დროს, კონსტანტირებენ ორმხრივი ურთიერთობების გაუმჯობესებას, და იმედოვნებს, რომ პეკინი ამით ისარგებლებს, რათა „რუსეთს აუხსნას საერთაშორისო უფლებების ნორმების და საზღვრების ხელშეუხებლობის პატივისცემის აუცილებლობა“. ჩინეთმა ხელი უნდა შეუწყოს მოწესრიგებული მოლაპარაკებების პროცესის დაწყებას ყველა მხარის მონაწილეობით, ხაზი გაუსვა გერმანელმა მინისტრმა.

ჩინეთს ამ დრომდე არ დაუკავებია მკვეთრი პოზიცია უკრაინის კონფლიქტთან დაკავშირებით, აღნიშნავს სააგენტო Reuters.

მოამზადა ლევან ებრალიძემ.