თბილისის საქალაქო სასამართლოში კოდორის ხეობაში პრეზიდენტის ყოფილი რწმუნებულის საქმეზე პროკურატურის მოთხოვნით წინასასამართლო სხდომა მიმდინარეობს.

ბრალდების მხარე კვიციანისთვის წინასწარი პატიმრობის ვადის გაგრძელებას ითხოვს.

ემზარ კვიციანის დამ ნორა კვიცანმა ჟურნალისტებს წერილი წარუდგინა, სადაც 35 პარლამენტარი მთავარ პროკურორს მიმართავს. მათი თქმით, ისინი იცნობენ პოლკოვნიკ ემზარ კვიციანს, როგორც საქართველოს ტერიტორიული მთლიანობისთვის მებრძოლ, პატრიოტ პიროვნებას, რომლის ძალისხმევითაც თანამებრძოლებთან ერთად წლების განმავლობაში შენარჩუნებული იყო კოდორის ხეობა საქართველოს სახელმწიფოს იურისდიქციის ქვეშ.

ამასთან, დაცვის მხარემ ემზარ კვიციანთან დაკავშირებით 33 გენერლის თავდებობის წერილი წარმოადგინა

წინასასამართლო სხდომა 27 აპრილს უნდა გამართულიყო, თუმცა წუხელ გვიან ღამით ემზარ კვიციანის დაცვისთვის ცნობილი გახდა, რომ პროკურატურამ სასამართლოს მიმართა და სხდომის ჩანიშვნა მოითხოვა.