შინაგან საქმეთა მინისტრი პარლამენტში მისვლას არ აპირებს. ოპოზიციამ ალექსანდრე ჭიკაიძის ხელმოწერით შეტყობინება მიიღო, სადაც მინისტრი საკუთარ თავზე, როგორც მესამე პირზე საუბრობს და ამბობს, რომ ქუთაისში ვერ ჩავა.

„შინაგან საქმეთა მინისტრის შეხვედრები დაგეგმილია წინასწარ და აღნიშნული პერიოდი მოიცავს საკმაოდ დატვირთულ სამუშაო გრაფიკს. მითითებულ დროს ვერ მოხერხდება ფრაქციის სხდომაზე დასწრება“, - ნათქვამია შს მინისტრის წერილში.

ფრაქცია „ნაციონალური მოძრაობის“ სხდომაზე უმცირესობა დღეს შინაგან საქმეთა მინისტრს ელოდებოდა.