სამინისტროს ინფორმაციით, ვინაიდან სასჯელაღსრულების სისტემაში პატიმართა დიდი უმრავლესობა მამაკაცია, სასჯელაღსრულების ჯანდაცვის სისტემაც უფრო მეტად მამაკაცთა საჭიროებებზეა მორგებული, რაც ქალებს არათანაბარ პირობებში აყენებს. სამედიცინო მომსახურებაზე თანაბარი ხელმისაწვდომობის მისაღწევად სამინისტრო 2013-1014 წლების განმავლობაში ადეკვატური ნაბიჯების გადადგმას გეგმავს, თუმცა დაგეგმილი სამედიცინო აქციის ფარგლებში იმ საჭიროებების დაკმაყოფილება მოხდება, რომელიც რეფორმის განხორციელებამდე არ იცდის.

ქალ მსჯავრდებულებს სამედიცინო გამოკვლევებს ონკოლოგიის ეროვნული ცენტრის, კანისა და ვენერიულ სნეულებათა ეროვნული ცენტრის, კარდიოლოგიური კლინიკა ,,გული"-ს, დავით ტატიშვილის კლინიკის, კლინიკა ,,ნევროლოგი"-ს, კლინიკა ,,ტესტი"-ს და მრავალპროფილიანი კლინიკა ,,მედლაბი"-ს ექიმები ჩაუტარებენ, საჭიროების შემთხვევაში კი სათანადო მკურნალობას დაუნიშნავენ.

6 დეკემბრის მონაცემებით, #5 დაწესებულებაში 956 ქალი იმყოფება.