ტვ 3-ის გადამღები ჯგუფის დაკითხვა შიდა ქართლის სამხარეო სამმართველოში რამდენიმე წუთის წინ დასრულდა. ერთ-ერთი მთავარი შეკითხვა, რაც ტელეკომპანიის თანამშრომლებს დაუსვეს იყო ის, თუ კონკრეტულად რომელ ადგილზე მოხდა მათი დაკავება. ჟურნალისტების ინფორმაციით, მათი აყვანა სოფელ აძვში მოხდა, რომელიც საქართველოს კონტროლირებადი ტერიტორიაა.

რუსი ოკუპანტების მიერ დაკავებული ქართველი ჟურნალისტები რამდენიმე საათის წინ გაათავისუფლეს. ჟურნალისტების გათავისუფლებას საქართველოში ევროკავშირის მისიის წარმომადგენელი და შინაგან საქმეთა სამინისტროს ანალიტიკური დეპარტამენტის ხელმძღვანელი ესწრებოდნენ.