არასამთავრობო ორგანიზაცია „კონსტიტუციის 42-ე მუხლი“ ადამიანის უფლებათა ევროპულ სასამართლოში რუსეთის ფედერაციის წინააღმდეგ 9 სხვადასხვა დაზარალებულის სარჩელს შეიტანს.

ორგანიზაციაში მიიჩნევენ, რომ რუსეთის ფედერაცია საქართველოს ტერიტორიაზე ეფექტურ კონტროლს ახორციელებს.

„სარჩელი შეტანილი იქნება რუსეთის ფედერაციის წინააღმდეგ, რადგან რუსეთის ფედერაცია ახორციელებს ეფექტურ კონტროლს აღნიშნულ ტერიტორიაზე, მას ეს ტერიტორია ოკუპირებული აქვს და სწორედ ის არის პასუხისმგებელი ყველა ადამიანის ფუნდამენტური უფლების დარღვევაზე, რომელსაც ადგილი აქვს ატოცის თუ სხვა ადმინისტრაციული საზღვრის მიმდებარე ტერიტორიაზე“, - განაცხადა ორგანიზაციის გამგეობის თავჯდომარემ მაკა გიოშვილმა.

ნინო დათაშვილი