„შენ ხარ ერთადერთი შემსრულებელი, ვისაც ამ სკამს დავუთმობდი“, - განუცხადა სტეფანემ იქს ფაქტორის 13 წლის მონაწილეს საბა ჩაჩუას და ის ბგერის პროფესორად მონათლა.

X Factori , რომელსაც მაყურებელი, რამდენიმე თვეა ელის იმედებს არ აცრუებს. საინტერესო,სახალისო და გულისამაჩუყებელი გამოსვლები ბევრი იყო.

მეგა შოუმ პირველივე ტურში უამრავი ნიჭიერი გამოავლინა. მათ შორის იყო ლეილა აბაშიძის 61 წლის ვაჟიც, რამაზ დანელია, რომლის სიმღერამ ჟიური ფეხზე წამოაყენა, ხოლო თავად ლეგენდარული მსახიობის სცენაზე უეცარმა გამოჩენამ კი ყველაზე ამაღელვებლად იმოქმედა. ძალიან ღელავდა თავად ლეილა აბაშიძეც.

„ბუნებით მეოცნებე და საოცარი ოპტიმისტი ვარ, ხშირად მიფიქრია, რომ ადამიანი ოცნების გარეშე ფრთამოკვეთილ არწივს ემსგავსება. უნდა ვიბრძოლოთ ყველამ ჩვენი ბედნიერებისთვის! ეს შანსია ყველა ადამიანისთვის. თქვენ მიეცით საშუალება ადამიანებს, ვისაც ემღერება - იმღერონ და ვისაც არ ემღერება, იმათმაც - იმღერონ. ეს დიდებული პროექტია!“- განაცხადა მსახიობმა.

მოგვიანებით კი სცენაზე ბათუმელი 22 წლის გიორგი ბერიძე გამოჩნდა და თავისი ვოკალური მონაცემებით დარბაზი აღაფრთოვანა. მას ძმა, საქართველოში უკვე საკმაოდ ცნობილი მომღერალი, ნიკო ბერიძე გულშემატკივრობდა.

დარბაზის გულის მოგება ბევრმა გამომსვლელმა შეძლო, ერთმანეთს ენაცვლებოდნენ - პლანეტა პი, ვეტერან-ოფიცერთა ანსამბლი „მშვიდობა“, ნიკ შერმა, Funny Girls ... ხოლო პირველი ტურის ბოლო კონკურსანტის თამუნა შავერდაშვილის გამოსვლა სტეფანემ ასე შეაფასა - ეს არის უნაკლო შესრულება ყველა X ფაქტორისთვის მსოფლიოში“...ნიჭიერებთან ერთად უნიჭოებიც გამოვლინდნენ, იყვნენ გაბრაზებულებიც, განრისხებულებიც და საკუთარ თავში დარწმუნებული უვიცებიც, თავიანთ უნიჭობას, რომ ჟიურის აბრალებდნენ. ერთ-ერთი, რომელიც სმენასა და ხმასთან ერთად რეალობის აღქმასაც მოკლებული იყო სტეფანეს აუხირდა, პოლიტიკური ნიშნით მბლოკავო. გიორგი გაბუნია კი გალახვას გადაურჩა. კონკურსანტი წამყვანის რეპლიკამ გააღიზიანა, - შარვალი გიჭერსო. თუმცა, როგორც გაირკვა ბეწვზე გადარჩენილ წამყვანს საქმის გასარჩევად რუსთავში ელოდებიან...