რუსეთი არჩევანის წინაშეა: გაიყვანოს ჯარები უკრაინის საზღვრებიდან, დაიცვას საერთაშორისო შეთანხმებები, დაიბრუნოს ნდობა, ან, მისი საერთაშორისო იზოლაცია გაძლიერდება. მსოფლიო უფრო სახიფათო და არაპროგნოზირებადი გახდება.

ამის შესახებ ნატოს გენერალური მდივანი, ანდრეს ფოგ რასმუსენი La Repubblica-ში გამოქვეყნებულ სტატიაში წერს.

„ჩემ პირველ სიტყვას, ნატოს გენერალური მდივნის ხარისხში, „ნატო და რუსეთი“ ეწოდებოდა. ეს ახალი დასაწყისი იყო, - წერს რასმუსენი. - მე მსურდა რუსეთთან ნამდვილი სტრატეგიული პარტნიორობა, თანამშრომლობის გაფართოება იმ სფეროებში, რომლებშიც საერთო ინტერესები გვაერთიანებდა, ამასთან იმ მოთხოვნით, რომ ყველა საერთაშორისო ვალდებულება დაეცვა, მათ შორის მეზობლების ტერიტორიული მთლიანობა და თავისუფლება. წლიდან წლამდე ერთად ვაღწევდით წარმატებებს ტერორიზმთან, მეკობრეობასთან ბრძოლაში და ავღანეთის უსაფრთხოების საკითხში. მაგრამ ყირიმის ანექსიამ თანამშრომლობის საფუძველი მოშალა. დღეს რუსეთი საუბრობს და იქცევა როგორც მოწინააღმდეგე“, - ამბობს ნატოს გენმდივანი.

მოამზადა ლევან ებრალიძემ.