14 აპრილიდან, შავი ზღვის აკვატორიაში საფრანგეთის საბრძოლო ხომალდების ჯგუფს წყალქვეშა ნავსაწინააღმდეგო ფრეგატი "Dupleix" შეუერთდება.

მანამდე, 28 მარტს, შავ ზღვაში შემოვიდა სამაშველო გემი "FS Alize", რომელმაც ვარნაში (ბულგარეთი) სამხედრო-საზღვაო სწავლებაში მიიღო მონაწილეობა. გემი შავი ზღვის აკვატორიაში რჩება.

შეგახსენებთ, რომ 10 აპრილს, ბოსფორისა და დარდანელის სრუტეები ასევე გადმოკვეთეს აშშ-ის სამხედრო-საზღვაო ძალების საესკადრო ნაღმოსანმა „დონალდ კუკმა“ და საფრანგეთის სამხედრო-საზღვაო ძალების სადაზვერვო ხომალდმა "Dupuy de Lome".

მოამზადა ლევან ებრალიძემ.