უკრაინის შინაგან საქმეთა მინისტრმა არსენ ავაკოვმა მიიღო გადაწყვეტილება, სამინისტროს ფარგლებში შეიქმნას სპეცდანიშნულების რაზმი 12 ათასი ადამიანის შემადგენლობით - პირველ რიგში, ქვეყნის სამხრეთსა და აღმოსავლეთში.

,,ჩემს მიერ იქნა მიღებული გადაწყვეტილება, მთელი ქვეყნის ტერიტორიის მასშტაბით, შეიქმნას შინაგან საქმეთა სამინისტროს სპეცდანიშნულების კორპუსი. შს სამინისტრო მზადაა, ახალი სპეცდანიშნულების რაზმის შემადგენლობაში ჩარიცხოს 12 ათასზე მეტი ადამიანი საკადრო ოფიცრების ჩართვით და გადასცეს მათ შეიარაღება და ეკიპირება. პირველი ბრძანება, სპეცრაზმ ,,ვოსტოკის" შექნმნის შესახებ ლუგანსკში, ჩემს მიერ უკვე ხელმოწერილია. რაზმების შემქნის პროცესი განხორციელდება უმოკლეს ვადებში, ყოველგვარი შეფერხებებისა და ფორმალობების გარეშე, დროის გამოწვევების შესაბამისად", - განაცხადა ავაკოვმა.