მასშტაბური სპეცოპერაცია უკრაინის შეიარაღებული ძალების მონაწილეობით შესაძლოა დონეცკის ოლქში ამაღამ დაიწყოს, - განაცხადა ტელეარხ ,,1+1"ის ეთერში უკრაინის უშიშროების საბჭოს ხელმძღვანელმა ვალენტინ ნალივაიჩენკომ.

მისი სიტყვებით, ოპერაცია გაგრძელდება მანამდე, სანამ ქვეყნის აღმოსავლეთში სიტუაცია არ დასტაბილურდება.

პარტია ,,უდარის" ლიდერმა ვიტალი კლიჩკომ კი მოითხოვა სასწრაფოდ იქნას მოწვეული უკრაინის უმაღლესი რადას რიგგარეშე სხდომა, უკრაინაში სიტუაციის დარეგულირების სასწრაფო ღონისძიებების დაგეგმვის მიზნით.

,,საჭიროა, დაუყოვნებლივ მოვიწვიოთ პარლამენტის რიგგარეშე სხდომა და მივიღოთ მკაცრი გადაწყვეტილება, როგორ ავიღოთ ქვეყანაში სიტუაციაზე კონტროლი. დონეცკის ოლქში განვითარებული მოვლენები და არეულობები ხარკოვში, მეტყველებს იმაზე, რომ სიტუაცია არ ნორმალიზდება და პირიქით მწვავდება", - წერს ,,უნიანი" კლიჩკოზე დაყრდნობით.