ნატოს გენერალური მდივანი ანდერს ფოგ რასმუსენი რუსეთის აგრესიასთან დაკავშირებით განცხადებას ავრცელებს.

რუსული პროპაგანდა წარმოადგენს შირმას, რომლის მიღმაც რუსეთი ცდილობს, თავისი კანონსაწინააღმდეგო ქმედებები დაფაროს, - ნათქვამია რასმუსენის განცხადებაში.

"რუსეთის პროპაგანდა ნატოსა და დასავლეთის წინააღმდეგ სხვა არაფერია, თუ არა კვამლის ფარდა საკუთარი კანონსაწინააღმდეგო მოქმედებების დასაფარად. რუსეთი იზოლირებულია მთელი მსოფლიოსგან, ხოლო მისი საერთაშორისო ავტორიტეტი ნაკუწებად იქცა. ახლა რუსეთი არჩევნის წინაშე დგას: შეწყვიტოს სხვების დადანაშაულება თავის ქმედებებში, გაიყვანოს თავისი ჯარები, გადადგას ნაბიჯი უკან თავისი საერთაშორისო ვალდებულებების გათვალისწინებით და დაიწყოს დაკარგული ნდობის აღდგენა. წინააღმდეგ შემთხვევაში, რუსეთი გაიღრმავებს საერთაშორისო იზოლაციას. ეს არავის ინტერესს არ შეესაბამება და ჩვენ სამყაროს გაცილებით უფრო საშიშსა და არაპროგნოზირებადს გახდის", – განაცხადა ნატოს გენერალურმა მდივანმა ანდრეს ფოგ რასმუსენმა.